مهلبية البرتقال سهلة و سريعة و بنتها لا تقاوم

السلام عليكم و رحمة الله و بركاته

و الصلاة و السلام على رسول الله صلى الله عليه و سلم

اليوم عملت مهلبية بذوق البرتقال و جات بنينة بزاف قلت نشارككم الوصفة

المقادير:

كوبين حليب

ربع كوب سكر و ممكن تزيدو حسب الرغبة

4ملاعق كبيرة نشاء

2ملاعق كبار بشور البرتقال و هدا هو سرالبنة

2ملاعق كبار عصير البرتقال

التحضير:

نحط على النار كوب و نصف حليب ثم نضيف السكر و نحرك باش يدوب من جهة اخرى ندوب النشاء في النصف كوب الباقي تاع الحليب و نحرك مليح

لما يغلي الحليب نفرغ عليه النشاء وبشور و عصيرالبرتقال ونحرك بالملعقة حتى تثقال الكريمة

نفرغ المهلبية في اواني و نزينها حسب الرغبة انا عملت فستق وقشور البرتقال وخليها تبرد انا عملتها في هاد الجو البارد و ما حطيتهاش في الثلاجة باش ما تبردش بزاف

شوفو صورة عن قرب